Gizartea -
Zirkulazio istripua
Txirrindulari bat larri zauritu da Hondarribian
Gizonezkoa txirrindulatik erori da. Ertzaintzak laguntza eskatu die balizko lekukoei.
AGENTZIAK | ERREDAKZIOA
Berrogeita hamaika urteko gizon bat larri zauritu da ostegun arratsalde honetan Hondarribian (Gipuzkoa), bizikletatik erorita.
Istripua 15:00etan jazo da, Hondarribiko Saihesbidean (GI-636 errepidea), Mendelu auzoaren parean.
Zaurien larritasunaren ondorioz, biktima Donostia Ospitalera eraman behar izan dute.
Agiri batean, Ertzaintzak laguntza eskatu die balizko lekukoei, gertatutakoa argitzeko.
Horren ildotik, ezbeharra ikusi baduzu, jar zaitez harremanetan Ertzaintzaren Gipuzkoako Trafiko Unitatearekin, 943 53 91 19 telefono zenbakira deituta.
Hau zure interesekoa bada, baliteke beste gai hauek ere izatea