Gizartea -
Piraten kontrako operazioa
Piraten bi ontzi atzeman dituzte Somaliako kostaldean
'Victoria' fragataren helikoptero batek baleontzi bat eta ontzi txiki susmagarri batzuk begiztatu ditu. Ustez, piraten ekintzetan erabilitako armak kendu dizkiete.
Erredakzioa
''Victoria'' fragatak piraten bi ustezko ontzi atzeman ditu Somaliako kostalde inguruan.
EBk piraten portuak zaindu eta kontrolatzeko martxan jarri duen operazioan gauzatu dira atxiloketak, Defentsa Ministerioak adierazi duenez.
''Victoria'' fragatak bere helikoptero batek baleontzi bat eta zenbait ontzi txiki susmagarri begiztatu ostean atzeman ditu piratak.
Baleontzia arakatu dutenean, ustez, piraten ekintzetan erabilitako armak kendu dizkiete.
"Ontzi pirata ekintzetan erabili dutelakoan, eta ''Atlanta'' operazioaren agintariaren aginduak jarraituz, baleontzia suntsitu dute eta zortzi tripulanteak ontzi txiki batean Somaliara bidali dituzte, Carme Chaconen departamentuaren arabera.