Gizartea -
Auto-istripua
Gizon bat hil da autoan zihoala kamioi bat jota, Igorren
Istripua N-240 errepidean gertatu da Igorre parean, ibilgailuak eta kamioiak talka egin dutenean.
Erredakzioa
33 urteko gizon bat hil da bere ibilgailuak kamioi baten aurka talka egin ostean, N-240 errepidean, Igorre (Bizkaia) parean, Herrizaingo Sailak jakinarazi duenez.
Ezbeharra 16:30 aldera gertatu da; istripuaren nondik norakoak argitu gabe daude.
Talkaren ondorioz, gizona ibilgailuaren barruan gertatu da atera ezin barik eta suhiltzaileek atera behar izan dute.
Larrialdietarako zerbitzuek istripuaren tokira heldu direnerako, gizona hilda zegoen.
Istripuaren ostean N-240 errepidea moztu behar izan dute; izan ere, ibilgailua eta kamioia gurutzatuak gelditu dira.
Hau zure interesekoa bada, baliteke beste gai hauek ere izatea