Deustuko erretoreak laguntza gehiago nahi ditu ikasi ahal izateko

Jaime Oraa Deustuko Unibertsitateko erretoreak familiei zuzendutako diru-laguntzak handitzea eskatu dio Eusko Jaurlaritzari, seme-alaben ikasketak, nahi duten unibertsitatean, ordaindu ahal izateko.

ETBn egindako elkarrizketa batean, erretoreak Deustuko Unibertsitatean datorren kurtsoan ikasteko matrikulak % 40 hazi egin direla azpimarratu du.

Unibertsitatean sartzeak 3.500-6.000 euro artean kostatu dezakeela onartu du Oraak, baina Deustuko Unibertsitatean profesional bat sortzea euskaldunei kostatzen zaiena EHUn balio duenaren "erdia" dela adierazi du, instituzioak unibertsitateko aurrekontuen % 1 bakarrik jasotzen baitu.

Erretorearen arabera, instituzioak "ahalegin handiak" egiten ditu beka kopurua handitzeko. "Gure helburua, nahi duen edonork unibertsitatean ikasi ahal izatea da", adierazi du, "eta, horretarako, urtero handitzen den beka funtsa sortu dugu. Orain 7-8 milioi euro inguru ditu".

Oraak unibertsitateko eskaintza lan merkatuko eskariarekin egokitzeko deia egin du ere.