Itxi

Gizartea

Sare sozialak

Gorroto mezuak 24 orduan ezabatuko dituzte Facebookek eta Twitterrek

AGENTZIAK | ERREDAKZIOA

Europako Batzordeak eta Interneteko konpainia erraldoiek Jokaera Kode bat sinatu dute.

  • Besteak beste, Googlek, Facebookek, Twitterrek eta Microsoftek sinatu dute Jokaera Kodea. EFE

    Besteak beste, Googlek, Facebookek, Twitterrek eta Microsoftek sinatu dute Jokaera Kodea. EFE

Interneteko konpainia handiek (Facebook, Twitter, Youtube eta Microsoft, tartean) Europako Batzordeak sustatutako Jokaera Kode bat sinatu dute, sare sozialetan "gorroto mezuak" hedatzea saihesteko.

Besteak beste, erabiltzaileek ohartarazitako balizko gorroto mezuak "gehienez 24 orduan" aztertzeko konpromisoa hartu dute konpainiek, mezu horiek ezabatzeko, hori egitea bidezkoa bada.

Horretarako, Kodearen sinatzaileek irizpideak adostuko dituzte, indarkeria sustatzea eta gorrotoa debekatuta daudela argi uzteko.

Halaber, "kontrapropaganda" eta sentsibilizazio kanpainak abiatzea ere eskatu die Bruselak aipatutako enpresei, eta estatu kideen artean elkarlana handitzeko deia egin du.

Europako Batzordearen helburua da Interneteko konpainiek esku hartzea gorroto mezuak biralizatzea galarazteko, baina estatu kideek ere zeregin giltzarria dutela gogorarazi du. Horregatik, legeak arrazakeriaren eta xenofobiaren arau europarretara moldatzea eskatu du.

  • Bisitatuena

      Kargatzen ikusiena
      Kargatzen ikusiena