Legez debekatu dute Vegako Zezena publikoaren aurrean hiltzea

Gaztela eta Leongo Juntaren Gobernuak maiatzean hartu zuen erabakia berretsi dute Gorteek. Ondorioz, ezin izango dute Vegako Zezena publikoaren aurrean hil. Bozketa horretan, alde agertu dira Alderdi Popularra, PSOE, Podemos, eta talde mistoa.

Alabaina, Luis Fuentes Ciudadanoseko alderdiak azaldu duenez, bozketan abstentzioa aurkeztu dute debatea “interes elektoralekin” antolatu dutelako, exekutiboaren “erabateko nagikeria” estaltzeko.

Presidentziaren aholkulariak, aldiz, tradizioak bilakaera izan behar duela eta Vegako Zezenak ez duela zerikusirik tauromakiarekin esan du.

Beste alde batetik, Podemosek “animalien torturarekin bukatzeko” beste “aurrerapauso” bat dela aipatu du. Era berean, IU-Equo alderdiko bozeramaileak debekua defendatu du, baina “legea hautsi” dezaketen erabakien aurrean adi egongo direla gaineratu du.

Sozialistek, berriz, Tordesillasen (Valladolid) bizi diren herritarren iritzia ezagutzeko galdeketarik ez egitea leporatu diote Alderdi Popularrari.

Alderdi Popularrak esan duenez, “debekuaren aurrean hobeto da tradizioa gaurkotzea”.

Inguruetan, Vegako Zezenaren aldeko ehunka pertsona batu dira.