8 urteko kartzela-zigorra emaztea labankadaz hil zuen gizonarentzat

Arabako Auzitegi Probintzialak zortzi urte eta bederatzi hilabeteko kartzela-zigorra ezarri dio Mañuetako 73 urteko gizon bati bere emaztea labankadaz hiltzeagatik 2008. urtean. Gainera, 150.000 euro eman beharko dizkie hiru seme-alabei.

Fiskaltzak 17 urte eta herri akusazioak eta akusazio partikularrak guztira 23 urte eskatu zituzten, baina Auzitegiak nahaste psikikoaren salbuespena kontuan izan du, gizonak bekaizkeri patologikoak baitzituen.

Bikoteak 47 urte zeramatzan ezkonduta, eta epailearen erabakiaren arabera, gutxienez, 1997. urtetik akusatuak kontrol autoritarioa azpiratu egin zuen emakumea, mehatxuekin, etengabeko gaitzespenekin, eta bere mugimenduak zainduz.

Auzitegiaren arabera, jarrera hori "ideia matxista eta jatorri patologikoa zuen bekaizkeriaren" emaitza zen.

Hilketa

2008. urteko abuztuaren 15ean, bere ahizpa eta koinatua bisitatu ostean, emakumea etxera itzuli zen eta gizonak 14 zentimetroko laban bat hartu zuen eta aurrez-aurre eraso egin zion, heriotza ekarri zituen zauriak eta labankadak emanez.

Ordubete beranduago, erasotzaileak bere alaba bati deitu zion telefonoz eta emaztea hilda zegoela adierazi zion.

Akusatuak bere buruaz beste egiten saiatu zen, labanarekin ebakiak eginez, baina ez zuen lortu, Polizia eta larrialdietako zerbitzuak etxera heldu baitziren.

Nortasun paranoidea zuela dioen diagnostikoari jaramon eginda, Auzitegiaren ustez, biktimari eraso egitearen unean bere borondate eta ezagutze gaitasunak oso murriztuta zeuden.

Akusatuari Mañuetan bizitzea eta bere seme-alabei 18 urtean zehar 500 metro baino gutxiagora hurbiltzea galarazi diote.