Gizartea -
NA-5340 errepidean
Hildako bat Zangoza eta Gabarderal artean, auto batek harrapatuta
Ezbeharra 05:05ean jazo da, NA-5340 errepideko 1,4 kilometroan. Istripuaren nondik norakoak ikertzen ari dira.
Erredakzioa
Gabarderaleko 35 urteko lagun bat hil da egunsentian auto batek harrapatuta. Ezbeharra Zangosa eta Gabarderal lotzen dituen NA-5340 errepidean gertatu da, 1,4 kilometroan, Foru Gobernuak jakinarazi duenez. Oraindik istripuaren nondik norakoak ikertzen ari dira.
SOO Nafarroak eta Nafarroako Larrialdi Agentziak istripuaren abisua jaso dute eta anbulantzia medikalizatu bat bidali dute ezbeharraren lekura.
Halaber, osasun taldeak ezin izan du ezer egin, antza kotxea harrapatu eta berehala hil delako 35 urteko gizona.
Gorpua Nafarroako Medikuntza Institutura eraman dute autopsia egiteko eta heriotzaren arrazoiak zehazteko xedez.