Gizartea -
Sutea
Urbanizazio bat hustu dute Bastidan, baso-sute baten ondorioz
Etxeak ez daude arriskuan eta sua kontrolatuta dago jada, baina prebentzio gisa hartu dute
eitb.eus
Baso-sute bat piztu da gaur Bastidan (Arabar Errioxa), eta, ondorioz, Santo Cristo urbanizazioan hainbat etxebizitza hustu dituzte, SOS Deiak larrialdi zerbitzuak baieztatu duenez.
Haizearen norabidea aldatu egin da, eta etxeok ez daude arriskuan, baina prebentzio gisa erabaki dute hustea. Are gehiago, sua dagoeneko kontrolatuta dagoela nabarmendu dute.
Hain zuzen ere, 12:30ean piztu da sua, herriaren inguruetan, ermitatik gertu.
Arabako zein Errioxako suhiltzaileak ari dira lanean bertan.