Espainiako loteriako lehen sariak 300.000 euro utzi ditu Iruñean

Espainiako loteriako lehen sariaren zati bat Iruñean egokitu da, Loteria eta Apustuen Espainiako erakundeak jakinarazi duenez. 44.942 zenbakia izan da saritua eta serieko 6.000 euro banatuko ditu.

Iruñeko seigarren administrazioak (Amaya kaleko 22. zenbakian dagoena) zenbaki horretako 50 dezimo saldu ditu eta, beraz, 300.000 euro banatuko ditu saritan.

Agustin Moreno saria banatu duen administrazioko arduraduna "oso gustura" agertu da EFE albiste agentziari egindako adierazpenetan.