Gizartea -
Gipuzkoa
Alzheimer duen emakume bat desagertu egin da Irunen
76 urte ditu, eta ez dute aurkitu zentro batetik alde egin eta gero. Herrizaingo Sailak bilaketa abiatu du.
Erredakzioa
76 urteko emakume bat desagertu egin da eguneko egoitza batetik alde egin ostean, Irunen (Gipuzkoa).
Maria Jesus A. S.-k atzo 12:00ak aldera utzi zuen zentroa eta ordutik ez dute aurkitu.
Herrizaingo sailak bilaketa dispositibo bat antolatu du eta inguruko komisaldegiei desagerpenaren berri eman die, Hendaiakoa barne.
Desagertzearen unean, ile zuria eta begi marroiak dituen emakumeak jaka eta gona urdinak eta zapata beltzak zeramatzan jantzita.
Egoitzako iturrien arabera, emakumeak oso ondo ibili daiteke, fisikoki "bizkortasun handia" baitu, nahiz eta gaixorik egon.
Hau zure interesekoa bada, baliteke beste gai hauek ere izatea