Gizartea -
Epaiketa aurten hasiko da
Fiskalak 12 urteko zigorra eskatu du 'Prestige'ren kapitainarentzat
Halaber, 2.233 milioi euroko kalte-ordainak ere eskatu ditu, 2002an ontzia hondoratu zenean sortutako marea beltza dela eta.
Erredakzioa
Fiskaltzak 12 urteko kartzela zigorra eskatu du Prestige-ren kapitainarentzat (Apostolos Mangouras greziarra), 2002an ontzia hondoratu zenean sortutako marea beltzak egindako kalteak direla eta.
Galiziako Auzitegi Gorenaren iturriek iragarri dute Ministerio Publikoaren eskaria, atzo amaitu baitzen aldeek eskaerak aurkezteko epea. Epaiketa aurten bertan hasiko da, seguru asko.
Fiskaltzak 2.233 milioi euroko kalte-ordainak ere eskatu ditu. Dena dela, eskaria handitu egingo duela ohartarazi du.
7 urteko kartzela-zigorra eta bost urterako gaitasungabetzea eskatu du Fiskaltzak Mangourasentzat ingurumenaren kontrako delituak egotzita.
Era berean, babestutako gune naturalaren kontrako delituagatik 5 urteko kartzela-zigorra eskatu dute.
Mangourasen abokatuak azaldu duenez, "absoluzioa" eta "errugabetasun-presuntzioa" eskatuko du.
Epaiketa Coruñan hasi daiteke hilabete batzuk barru.
