Gizartea -
Istripua
Gizon bat hil da tren batek harrapatuta Gasteiztik gertu
Biktima segituan hil da, berehala bertaratu den mediku batek baieztatu duenez.
Erredakzioa
Gizon bat hil da gaur arratsaldean, Gasteiztik gertu, Renfe tren batek harrapatu ostean. Biktima trenbidea gurutzatzen ari zenean trenak harrapatu du, Herrizaingo Sailak jakitera eman duenez. Trena Irunetik zetorren.
Istripua 18:00ak aldera jazo da eta biktima segituan hil da, berehala bertaratu den mediku batek baieztatu duenez. Trenen zirkulazioa Donostiako noranzkoan eten egin behar izan dute 20:00ak arte. 21:00ak aldera bi noranzkoak zabalik ziren.
Hau zure interesekoa bada, baliteke beste gai hauek ere izatea