104.501 txakur eta 33.330 katu abandonatu zituzten iaz Estatuan

Iaz 104.501 txakur eta 33.330 katu abandonatu zituzten Espainian, Affinity Fundazioak egindako ikerketa baten arabera.

Erakundeak #NoSonUnaModa (ez gara moda bat) kanpaina abiatu du gaur, animalien nazioarteko eguna dela eta.

Ikerketa horren arabera, animalia bat abandonatu dutenen % 15ek animaliaren beraren portaera argudiatu dute hura abandonatzeko; % 15ek kumaldiak izan dituztela eta % 12k dirurik ez dutela.

Kasu gehienetan, animalien beharrizanen inguru hausnarketarik egin ez dutela salatu du fundazioak.