Kamiñaldeko hiru ataritako bizilagunak etxera itzuliko dira ostiralean

2016ko martxoan Ondarroako Kamiñalde auzoan izandako luiziaren ondorioz etxetik aterarazitako hainbat familia euren bizitokira itzuli ahalko dira ostiralean, urriaren 7an.

Ondarroako Udalak ohar batean jakinarazi duenez, San Ignazio kaleko 48, 50 eta 52 atarietako bizilagunak dira etxera itzuli ahalko direnak. Uztailean, 70 familia bat familia bueltatu ziren euren bizitokietara.

Udala "pozik" azaldu da luiziak kaltetutako bizilagunak "apurka-apurka" beraien etxeetara bueltatzen ari direlako. Nolanahi ere, oraindik "84 familia etxetik kanpo" daudela gogorarazi du.

"Bizilagun guztiak etxera bueltatzeko aukera izan arte lanean jarraitu behar dugu", adierazi du Zunbeltz Bedialauneta Ondarroako alkateak.