Gizartea -
Nafarroa
Hainbat etxe hustu dituzte Murillon el Cuenden, sute baten ondorioz
Sutea arratsaldeko lehen orduan piztu da, baina Nafarroako Gobernuaren arabera, kontrolatzea lortu dute.
Agentziak | Erredakzioa
Murillo el Cuenden (Nafarroa) piztutako sutea dela eta, Foruzaingoak etxebizitza ugari hustu behar izan ditu, garrak Traibuenas kontzejurantz bideratu aurretik.
Foruzaingoaren esanetan, 16:05ean piztu da sutea Murillo el Cuende udalerriaren inguruetan, SOS Nafarroak jasotako abisuaren arabera, eta, hori dela eta, etxebizitza batzuk hustu behar izan dituzte.
Garrak Traibuenas aldera bideratu dituzte, eta, besteak beste, Tafalla eta Zangozako suhiltzaileak aritu dira bertan lanean. Nafarroako Gobernuaren helikoptero bat ere joan da sutea piztu den eremura, eta sua kontrolpean dagoela baieztatu dute.