Sestaon desagertutako 44 urteko gizonezko baten bila dabiltza

Joan den ostegun gauetik desagertuta dagoen 44 urteko gizonezko baten bila dabil Ertzaintza, eitb.eus-ek jakin ahal izan duenez. Gizona Ricardo Alonso de Leciñana sestaotarra da, eta hilaren 22an ikusi zuten azkeneko aldiz, Sestaon bertan.

Ertzaintzak eta SOS Deiak-ek gizonaren argazkia zabaldu dute sare sozialen bitartez: 1,82 metroko altuera du, eta 64 kilo inguru pisatzen du. Gainera, herritarren laguntza eskatu du, eta norbaitek horren berri izanez gero, 112 telefonora deitzeko eskatu dute.