Tumoreek eragindako heriotzak % 16,8 igo dira azken hamarkadan EAEn

Tumoreek eragindako heriotzak % 16,8 igo dira azken hamarkadan Euskal Autonomia Erkidegoan. 2015ean 6.379 pertsona hil ziren tumoreen ondorioz, hildakoen % 29,7.

Eustat Euskal Estatistika Erakundeak gaur argitaratutako datuen arabera, 21.509 pertsona hil ziren iaz Euskal Autonomia Erkidegoan, 2014an baino % 6,7 gehiago.

Heriotzen kausari erreparatuta, tumoreek heriotzen % 29,7 (6.379 heriotza) eragin zituzten iaz; zirkulazio-aparatuko gaixotasunek, % 26,9 (5.788 heriotza); eta arnas aparatuko gaixotasunek, % 9,9 (2.119 heriotza).

2015ean 21.509 pertsona hil zirela aintzat hartuta, hazkunde begetatiboa negatiboa izan da; izan ere, heriotzak baino 2.658 jaiotza gutxiago izan dira. Lurraldez lurralde, Bizkaiak eta Gipuzkoak saldo negatiboak dituzte, 2.479 eta 571 biztanle gutxiago; Araban, 392 gehiago.

2015ean hildakoen batez besteko adina 79,9 urtekoa zen, 2005ean; 76,8koa zen eta, beraz, 3,1 urte luzatu da azken hamarkadan. Gizonezkoak batez beste 76,6 urterekin hil ziren iaz eta emakumeak, ostera, 83,2 urterekin.