Gizon bat larri zauritu da Beran bi ibilgailuk talka eginda

Gizon bat larri zauritu da astearte honetan, goizaldeko 02:30 aldera, Beran (Nafarroa), horren autoak eta hozkailu-kamioi batek talka eginda. Zauritua Donostia Ospitalera eraman dute, larri, Foruzaingoak jakitera eman duenez. Zaurituak 33 urte ditu, frantziarra da eta Iruñerantz zihoan.

Kamioiaren gidaria, 30 urteko gizonezko bat, ez da zauritu. Irunerantz (Gipuzkoa) zihoan istripua gertatu denean.

Foruzaingoak ikerketa abiatu du istripua zer dela-eta gertatu den argitzeko. Dirudienez, autoak eta kamioiak aurrez aurre jo dute elkar, bidetik irten dira eta horma bat jo dute.