Gizartea -
Trafikoa
Bi motor-gidari zauritu dira Bizkaian izandako bi istriputan
Ezbeharrak Mungian eta Leioan izan dira eta zaurituak Gurutzetako ospitalera eraman dituzte.
Agentziak | Erredakzioa
Bi motor-gidari zauritu dira larunbat goizean, Mungian eta Leioan (Bizkaia) izandako bi istriputan, Eusko Jaurlaritzako Segurtasun Sailak jakinarazi duenez.
Lehen ezbeharra 09:30ean gertatu da, BI-631 errepidean, Mungian, Bermeorako irteeran. Moto bat errepidetik irten da. 48 urteko gidaria zauritu da eta Gurutzetako ospitalera eraman dute, Barakaldora.
Ondoren, 09:45 aldera, 23 urteko beste motor-gidari bat zauritu da, Artatzan, Leioako tunelaren parean, Bilborako noranzkoan. Zauritua Gurutzetako ospitalera eraman dute.
Hau zure interesekoa bada, baliteke beste gai hauek ere izatea