Kalte-ordainak, frankismoan zigortutako 116 homosexualentzat soilik

Frankismoan orientazio sexualagatik zigortutako 116 preso sozial ohiri kalte-ordainak eman dizkie Gobernuak; 624.000 euro guztira, hau da, batez beste 5.300 inguru bakoitzari.

Datu horiek eman dituzte, Antonio Hurtado diputatu sozialistari Parlamentuan emandako erantzunean. Hurtadok interesa erakutsi zuen homosexualen praktikagatik lege frankistek zigortu zituzten pertsonengatik, oraindik bizi direnengatik, epaiak historiatik kendu baldin badituzte, baita ordainetan hartutako neurriengatik ere.

Erantzunean, Gobernuak Ogasun Ministerioak (kalte-ordain horiek ematea hari dagokio) datuak jaso ditu, eta 116 pertsona direla esan du laguntza jaso dutenak, 2009 urteaz geroztik, urte horretarako Estatuko Aurrekontu Orokorren legeak hala ezarri baitzuen. Eskaera epea amaitzeko data 2013ko abenduaren 31ean jarri zuten.

Hurtadok azaldu duenez, homosexualitateagatik frankismoak jazarri zituen milaka pertsonen “zati minimo bat” besterik ez da.

Kordobako parlamentari sozialistak zifra baxu hori balizko kaltetuei emandako informazio “eskasari” leporatu dio, baita arautegiaren “publizitate” ezari ere. Halaber, kalte-ordainaren “zenbatekoa ez dela oso nabarmena” azpimarratu du.