Gizartea -
Ezbeharra
Sute bat piztu da Galdakaoko margo eta berniz empresa batean
Enpresan ez zegoen langilerik sutea piztu denean. Dena den, alboko lantegi batzuk jendez hustu behar izan dituzte.
Erredakzioa
Sute bat piztu da, ezagutzen ez diren arrazoiengatik, Galdakaoko margo eta berniz enpresa batean, Erletxeseko industrialdean. Sugarrek ke zutabe handi bat eragin dute.
Herrizaingo Sailak jakinarazi duenez, sutea 11:15etan piztu da. Suhiltzaileak industrialdera bertaratu dira sua itzaltzeko.
Zorionez, ez da zauriturik egon, izan ere, enpresan ez zegoen langilerik sutea piztu denean. Dena den, alboko lantegi batzuk jendez hustu behar izan dituzte.Ertzaintzak ikerketa bat zabalduko du gertakariaren nondik norakoak aztertzeko.
Hau zure interesekoa bada, baliteke beste gai hauek ere izatea