Labana batekin pisukidea erasotzeagatik atxilotu dute

Ertzainek pisukidea arma zuri batekin erasotzeagatik eta Bilboko kaleetatik, labana eskuetan zuela, segika ibiltzeagatik atxilotu dute goizaldean 33 urteko gizon bat.

Gertakariak goizaldeko ordu bietan izan dira bi protagonistak bizi deren etxean, Bizkaiko hiriburuko Pablo Altzola kalean.

Herrizaingo sailaren esanetan, egileak zenbait ukabilkada eman eta labana batekin erasotu du pisukidea zenbait gauza aurpegira esan ondoren. Defendatu nahian, zenbait zauri egin ditu eskuetan eta gero etxetik ihes egin du.

Salaketan jaso denez, erasotzailea Bilboko kaleetatik biktimaren atzetik segika ibili da labana eskuetan zuela.

Azkenik, erasotzailea Ertzaintza eta anbulantzia Autonomia kalera heldu direnean lasaitu da eta atxilotu egin dute.