Gizartea -

Gertakaria

Madrileko Ritz hotela hustu dute sute txiki batengatik

Sua sukaldean sortu da eta hoteleko langileek lortu dute sutea itzaltzea.

Erredakzioa

Whatsapp Facebook Twitter Telegram Email

Madrileko Ritz hotela hustu dute gaur goizaldean sukaldean sute txiki bat sortu ostean. Madrileko Larrialdi Zerbitzuek adierazi dutenez, gertakariaren ondorioz ez da inor zauritu.

Sua sukaldean, beheko solairuan, sortu da eta oraindik ez dakite zergatia. Hoteleko langileek eta bertaratu diren lehen polizia agenteek lortu dute sutea itzaltzea. Madrileko Ritz hotela Leialtasun Plazan dago, Prado Museotik eta Burtsaren egoitzatik oso gertu.

Madrileko hotel ospetsura gerturatu dira suhiltzaileak ere. Sua itzalita zegoenez, sortutako kea kanporatzeaz arduratu dira.

Hoteleko bezeroak eraikinetik atera dituzte 01:45ak aldera suhiltzaileek haien logeletara itzultzea utzi dieten arte.

Hau zure interesekoa bada, baliteke beste gai hauek ere izatea