Arabak 500 odol-emaile behar ditu egunean

Gasteizko Gurutze Gorriak odol-emaileen jardunaldia hartuko du hurrengo asteazkenean. Honekin, Aldosanek urtero egiten duen kanpainara gehituko da. Udan Arabako ospitaleen beharrak asetzeko 500 odol emaileen beharra dela eta, hiritarrei iniziatiba solidario honetan parte hartzera animatzen diete.

Aldosanen, Arabako Odol Emaileak Elkartea eta Transfusio eta Giza Ehunen Euskal Zentroarekin batera, duen helburua egunean 500 odol-emaile lortzea da, globulu gorriak 42 egun eta plaketak 5 egun irauten dutelako.

Gurutze Gorriak odol-ateratzeak egiteko gunea jarriko du Aldosanen eskura eta odol-emaileak izateko ezaugarriak betetzen dituzten pertsona guztiei Gurutze Gorriak Gaztelako Atea kalean duen egoitzara asteazkenean goizean zehar joateko gonbidapena egin die.