Gizartea -
Lapurretak
Bi lagun atxilotu dituzte Bilbon, labanaz mugikor bat lapurtzeagatik
Bestalde, beste pertsona bat atxilotu dute Bilbon ere, ongintzazko elkarte batean larruzko jakak lapurtzea egotzita.
Agentziak | Erredakzioa
19 urteko gizon bat eta 18 urteko emakume bat atxilotu dituzte Bilbon, ostiral goizaldean bi gazteri labana mehatxupean sakelako telefonoa lapurtzea egotzita, Segurtasun Sailak jakitera eman duenez.
Goizaldean izan zen lapurreta, San Vicente kalean.
Larruzko jaken lapurreta, ongintzazko elkarte batean
Bestalde, Ertzaintzak 31 urteko gizon bat atxilotu du, ongintzazko elkarte batean larruzko jakak lapurtzea egotzita.
Jendeak dohaintzan emandako berokiak ziren eta horien lapurreta salatu zuten elkarteko kideek urtarrilaren 24an. Lapurreta elkartearen egoitzan izan zen, Bilboko Errekaldeberri auzoan.
Ikerketen ostean, 31 urteko gizonezkoa atxilotu zuten ostiral goizean, lapurretarekin zerikusia duelakoan.