Gizartea -
Gertaera
Adingabe bati ukituak egiteagatik gizon bat atxilotu dute Gasteizen
Atxilotuak (30 urtekoa), ustez, 12 urteko neskatxa bati eraso egin zion hiriburu arabarraren parke batean.
Erredakzioa
Ertzaintzako hainbat agentek atzo, osteguna, 30 urteko gizon bat atxilotu zuen Lakua auzoko parke batean neskatxa bati ukituak egitea leporatuta, Herrizaingo Sailak zabaldu duenez.
Atzo, 20:30ak aldera, jolasten ari ziren bi neskari, 12 urte ingurukoak, gizon batek eraso egin zien Duque de Wellington kaleko parke batean.
Gizonezkoak ukituak egin zizkion adingabe bati eta neska berarekin eramaten saiatu zen. Hala ere, neskak alde egin eta taberna batean babestea lortu zuen.
Biktimaren amak Ertzaintzari jakinarazi zion gertatutakoa eta patruila bat agertu zen; handik gutxira gizona aurkitu zuten agenteek inguruan. Atxilotua, 30 urtekoa, epailearen esku utziko dute gaur.