107 urte zituela Euskadiko gizon zaharrena hil da

Jose Ramon Diaz de Durana medikua hil zen aurreko igandean, 107 urte zituela. Espainiako estatuko medikurik zaharrena, zazpigarrena Espainiako zaharrenen artean, eta Euskadiko zaharrena zen,  Arabako Sendagileen Elkargo Ofizialak komunikatu batean adierazi duenez.

Bilbon jaio zen eta Araban kolegiatu zen orain dela 83 urte. Artziniegan (Araba) mediku lanetan ibili zen 40 urte baino gehiago, 1934tik erretiratu arte, 1977an.

Astelehenean Artziniegan egingo den hiletan agur esango dio familiak.

2009an, ehun urte egin zituenean, Arabako Sendagileen Elkargoak omenaldia egin zion "ehun urtedun medikua" zelako. 75 urte zeramatzan Araban kolegiatuta.

Zazpi urte geroago, Arabako Sendagileen Elkargoak ICOMA Aldizkariak egin zion elkarrizketa bat errekuperatu du. Horretan, ehun urtera iristeko "gakoak" eskaintzen zituen. "Nire errezeta janean gartxua izan, entsaladak, barazkiak eta fruta asko jan, gutxi edan, ez erre eta ariketak egitea da", azpimarratzen zuen Diaz de Duranak.