Gizartea -
Arrigorriaga, Bizkaia
Gazte bat atxilotu dute lapurtu eta emakume bati erasotzeagatik
Ustezko erasotzailea, 20 urtekoa, 09:15ean topatu dute Santa Isabel zubiaren azpialdean lo egiten.
Erredakzioa
Lapurtu eta emakume bat bortxatzeagatik 20 urteko gazte bat atxilotu dute osteguneko goizaldean, Arrigorriagan, Herrizaingo Sailaren arabera.
Osteguneko 02:00etan gertatu da jazoera, Arrigorriagako Ollarganeko pasabidean, gizon bat atzetik lepoan labana bat jarrita emakume bati eraso egin dionean.
Emalumeari urrezko bitxiak eta zorroa eskatu dizkio erasotzaileak, eta gero, lotsariak ukitzen hasi da. Hori dela eta, builaka hasi da emakumea laguntza eske eta gazteak presaka alde egin du. Biktimak goizeko lehenengo orduetan salatu du jazoera.
Egin beharreko diligentziak amaitzerakoan, ustezko erasotzailea 09:15ean topatu dute Santa Isabel zubiaren azpialdean lo egiten. Bertan atxilotu dute bortxaketa eta larderiarekin egindako lapurreta leporatuta. Atxilotua epailearen aurrera eraman dute ostiral goizean.