Gizartea -
Beasainen, Gipuzkoan
Euskadiko erosketa automatikoko lehen supermerkatua ireki dute
ORDUGUZTIETAN du izena eta eguneko 24 orduetan eta urteko 365 egunetan dituen lehen mailako 170 produktu baino gehiagotik behar dena eskuratzeko aukera ematen du.
Erredakzioa
Euskadiko erosketa automatikoko lehen supermerkatua ireki dute Beasainen (Gipuzkoa), Mendaurren kalean 2 zenbakian, eta ORDUGUZTIETAN du izena. Sistema errobotizatu bat da eta eguneko 24 orduetan eta urteko 365 egunetan dituen lehen mailako 170 produktu baino gehiagotik behar dena eskuratzeko aukera ematen du.
Produktu hauek kategoria ezberdinetan banatzen dira: edariak–freskagarriak, elikagaiak, prestatutako janaria, hestebeteak, aperitiboak, txokolateak, garbiketarako produktuak, para-farmazia, etxerako tresnak, helduak, gozokiak eta eskaintza bereziak.
Sistema honek dituen abantailen artean, erosotasuna eta erabilgarritasuna eta tenperatura jakin bat behar duten produktuak hozkailu batean gordetzen direla nabarmentzekoak dira. Bat-bateko erosketa egitea ahalbidetzen du sistema automatiko erraz bati esker, urte osoan eguneko 24 orduz dago irekita eta oso erabilerraza den ukimen pantaila duen kutxa automatikoa du.
Behin bezeroak kategoria bat aukeratu ondoren, nahi duen produktua eta behar dituen unitateak zehaztu ahal izango ditu. Produktu guztiak aukeratu eta erosketa amaitzeko, bezeroak billeteekin, txanponekin edota kreditu txartelarekin ordaintzeko moduen artean aukeratu dezake. Gero, sistema automatikoak bilketa aukeratutako produktuak jasotzeko kaxan utziko ditu bezeroak behar izango dituen poltsekin batera.