Txakurra bizirik lurperatzen saiatzeagatik atxilotu dute Madrilen

Guardia Zibilak gizon bat atxilotu du Cercedilla udalerri madrildarrean bere txakurra etxola baten azpian lurperatu eta hiltzen saiatzen harrapatu ostean.

Agenteek auzokide baten abisua jaso ostean agertu ziren gertakariaren lekuan. Auzokide horrek familia bakarreko etxean gertatzen ari zenaren berri eman zuen.

Guardia Zibilak bertara iritsi direnean, A.V.S. 56 urteko segoviarra txakur txiki bat pala batez lurperatzen ari zen, oraindik bizirik, plastikozko poltsa batean sartuta.

Animalia hiltzorian eraman dute albaitariarengana eta honek bizia salbatu dio. Jabea, berriz, atxilotu egin dute.

Gizonak aurrekariak ditu senitartean tratu txarrak emateagatik eta indarra erabiliz egindako lapurretengatik.