Gizartea -
BI-634 errepidean
Lau pertsona zauritu dira Mungian, auto-istripuan
14:45ak aldera gertatu da istripua, Gatikako noranzkoan, bi ibilgailuk talka egin dutenean, Eusko Jaurlaritzako Segurtasun Sailak jakitera eman duenez.
Agentziak | Erredakzioa
Lau pertsona zauritu dira trafiko-istripua izanda, igande honetan, BI-634 errepidean, Mungian (Bizkaia), Eusko Jaurlaritzako Segurtasun Sailak eta SOS Deiak jakitera eman dutenez.
14:45ak aldera gertatu da istripua, Gatikako noranzkoan, bi ibilgailuk talka egin dutenean. Istripua izan den lekura ertzainak eta osasun zerbitzuak hurbildu dira.
Segurtasun Sailak azaldu duenez, lau pertsona zauritu dira. Bi lagun Urdulizko Ospitalera eraman dituzte eta beste biak Gurutzetako Ospitalera.
Hau zure interesekoa bada, baliteke beste gai hauek ere izatea