Gizartea -
Emakumeen kontrako indarkeria
Ustez bikotekide ohia sastatzeagatik atxilotu dute Fuenlabradan
Semea eta lagun batekin etxean zegoela erasotu dute 20 urteko emakumea. Ondoren ospitalera eraman dute eta egonkor dago.
Erredakzioa
Madrileko Fuenlabrada herriko poliziak igande honetan sastada jaso duen emakumearen bikote ohia atxilotu du. Ustezko erasotzailea denez, ez dute nortasunaren berri eman.
Gertaera 12:00ak aldera izan da Suezia kaleko etxebizitza batean. Bertan, biktima bera, 20 urteko espainiarra, eta semea bizi dira. Gaur, gainera, emakumearen lagun bat ere etxean zegoen.
Oraindik argitu gabe dauden arrazoiengatik, emakumearen bikotekide ohia eta bere semearen aita bertara joan da eta eztabaidan hasi dira. Orduña, gizonak emakumeari eraso egin dio.
Madrileko Larrialdietarako 112 Zerbitzuen arabera, emakumeak eskumaldeko hemotoraxean zauria zuen. Gainera, bizkarrean, bularrean eta esku batean ebaki arinak zituen. Egoera ikusita, Fuenlabradako ospitalera eraman dute, larri.
Azken albisteen arabera, emakumea egonkor dago eta bere bizitza ez dago arriskuan.
