Bederatzi edukiontzi erre dituzte Santutxun eta Getxon

Sei edukiontzi erre dituzte, bart, Bilboko Santutxu auzoan. Eusko Jaurlaritzako Segurtasun sailak jakitera eman duenez, lehen ikerketen arabera, suteak nahita piztutakoak izan dira.

Iturribe eta Zabalbide kaleetan izan dira suteak, 04:00ak inguruan.

Ertzaintzak ikerketa zabaldu du, gertatutakoa argitzeko.

Hiru edukiontzi kiskalita, Getxon

Bestalde, hiru edukiontzi kiskalita geratu dira Getxon, 04:45 inguruan piztutako sute baten ondorioz. Bertako Udalak jakitera eman duenez, Andres Cortina kalean izan da sutea, eta lehen zantzuen arabera, hori ere nahita piztutakoa izan da.

Udalak gogora ekarri duenez, duela hilabete batzuk toki horretan bertan hainbat edukiontzi erre zituzten.