Zapaterok Martin Berasateguiren Shanghaiko jatetxean afaldu du

Jose Luis Rodriguez Zapatero Espainiako presidenteak, Cristina Garmendia Zientzia eta Berrikuntza ministroak, Miguel Angel Moratinos Kanpo Arazoetako eta Kooperazioko ministroak eta Miguel Sebastian Industria eta Merkataritza ministroak, duela urte bat baino gutxiago Martin Berasategui sukaldariak Shanghain irekitako jatetxean afaldu dute.

Gobernuko presidenteak eta ministroek jan zuten menua hurrengo platerek osatzen zuten: mertxika gazpatxoa, ogia tomatearekin eta Jabugoko urdaiazpiko iberikoarekin; arrautza patata hautsiekin, oliba oliotan eginak, eta emultsio ketuarekin; hezur-mami eta barazki entsalada epela, uhaza krema eta saltsa iododunarekin; txahal-azpizuna, patata zimurtu eta mojo gorriarekin; postre gisa, txokolatezko soufflea, karamelu eta kanela izozkiarekin.

Zapaterok ohorezko liburuan idatzi zuen eskaintzan "afaria bikaina" izan zela adierazi zuen.

Sukaldari gipuzkoarrak, bestalde, "Gobernuko presidentearen eta haren taldearen bisita ohore bat" izan dela adierazi du. "Jatetxea ireki genuenetik Txina eta nire sukaldea kulturaren eta gastronomiaren bitartez uztartu nahi ditugu. Espainiaren Egunean presidenteak egindako bisita hau, hedatzearen eta beste herrialde batzuetan ezagutzearen garrantzia sinesten genuen guztiontzat berezia da", gaineratu du.