Urduña eta Amurrio arteko tren-zerbitzua, martxan

Merkantzia-tren batek atzo arratsaldean eragindako matxura konpondu eta 14:35 aldera Urduña eta Amurrio arteko zerbitzua berriro martxan jarri dutela jakinarazi du Renfek.

Urduñako geltokiaren sarreran izan zen istripuaren ondorioz, Bilbo eta Miranda de Ebro (Burgos) arteko linea eten egin zen.

Zerbitzurik egon ez den orduetan, Renfek garraio plan alternatibo bat abiatu du C3 linean, bidaiariak Urduña eta Amurrio artean autobusez eramateko. Halaber, distantzia luzeko trenen erabiltzaileak autobusez garraiatu ditu Bilbo eta Miranda de Ebro artean.