Gizartea -
Itzaltzeko lan nekeza
Kontrolpean dago Bilboko eraikin batean piztutako sutea
Sutea 14:20 aldera piztu da erdialdeko Errekalde Zumarkaleko 3. zenbakian eta 19 lagun etxetik aterarazi dituzte.
Erredakzioa
Suhiltzaileak Bilboko Errekalde Zumarkaleko 3. zenbakiko etxebizitza batean piztu den sutea itzaltzeko lanetan jarraitzen dute, Bilboko Udalak jakinarazi duenez.
Sutea 14:20 aldera piztu da erdialdeko Errekalde Zumarkaleko 3.zenbakian, Salbeko zubi ondoan, alegia.
Eraikineko teilatuan lanak egiten daude eta asfaltozko geruzak su hartu omen du. Itzaltze lanak nekezak izaten ari dira; suhiltzaileak teila bakoitza banan-banan estalgabetzen ari dira egurrezko habeetan su arrastorik ez dagoela egiaztatzeko.
Bilboko Udalak jakinarazi duenez, eraikineko 16 auzokideak eta kale bereko bosgarren zenbakiko beste hiru lagun etxetik aterarazi dituzte.
Itzaltze lanak gutxienez bi orduz luzatuko direla aurreikusi dute.