Gizartea -
Araba
Sute batek kalte handiak eragin ditu pabiloi batean, Nuvillan
Lokala nekazaritza-makinak gordetzeko erabiltzen zuten; beraz, kalteak handiak izatea espero dute. Antza denez, ustekabeko sutea izan da.
eitb.eus
Sute batek kalte handiak eragin ditu gaur, ostirala, nekazaritza-makinak gordetzeko erabiltzen den pabiloi batean, Nuvillan (Araba).
Segurtasun Sailak eitb.eus-i adierazi dionez, 07:30 inguruan deitu diote Ertzaintzari, lokal horretatik ke handia ateratzen ari zela ohartarazteko.
Hala, Espejoko Suhiltzaileak bertaratu dira, eta 10:00etarako hartu dute sua kontrolpean. Halere, suhiltzaileek bertan geratu dira, tenperatura handiak hartu dituzten makinak hozten.
Antza denez, sua ustekabean piztu da.
Ertzaintzak zirkulazioa A-3322 errepidetik desbideratu behar izan du, keak ibilgailuen joan-etorriari traba egiten ziolako.