Pertsona bat hil da eta zortzi zauritu Trebiñun izandako trafiko-istripuan

Pertsona bat hil da eta zortzi zauritu Trebiñun, gaur goizaldean, izan den trafiko-istripuan. Trafiko arduradunek jakitera eman dutenez, hiru autok elkarren kontra  jo dute A-1ean, Trebiñu parean, Madrilgo noranzkoan.

Zabaldutako datuen arabera, ibilgailuetako bat kontrako norabidean zihoan, eta aurrez aurre jo du beste auto baten kontra. Ondoren, beste ibilgailu batek aurreko bi horien kontra jo du.

Miranda de Ebroko erietxera eta Gasteizko Txagorritxu eta Santiago ospitaleetara eraman dituzte zaurituak.

Istripuaren  ondorioz, errepidea hiru orduz itxita egon da, eta auto pilaketak egon dira.