Lau etxetako bizilagunak aterarazi dituzte Durangon, sute bat dela eta

Durangoko Zumalakarregi kaleko 16. zenbakian sute bat piztu da 5:00ak jota zirenean. Ez da zauriturik izan, baina kalte materialak handiak izan dira.

Aipatu etxebizitzaren etxabeetean hasi da sua eta kale bereko 14. zenbakira hedatu da.

Suhiltzaileek eta Ertzaintzak kaltetutako eraikinetako bizilagunak aterarazi dituzte, baita 12. eta 18. zenbakikoak ere.

7:00ak aldera herritar guztiak euren etxeetara itzuli dira, 16. zenbakikoak izan ezik.

Jada sua itzali dute, baina 8:00etan suhiltzaileak oraindik bertan lanean ari ziren, Ertzaintzak aditzera eman duenez.