9 urteko zigorra eskatu dute emakume bat bortxatu zuen gizon batentzat

Gipuzkoako Fiskaltzak 9 urteko kartzela zigorra eskatu du ustez emakume bat bortxatu zuen aljeriar hiritar batentzat, biak Donostiako pasadizokoen etxean zeudenean.

Fiskaltzaren idazkariaren arabera, gertaera 2007ko abenduaren 28an izan zen, gaueko 22:30etan. Ordu horretan, gizonezkoa emakumearen logelan sartu zen, biktimak dutxa hartzen zuen bitartean.

Emakumea logelara sartu bezain pronto atea itxi eta ohearen kontra "bortizki" bultzatu egin zuen. Oihurik ez egiteko esan zion auzipetuak. 42 urteko gizonak felazioa egiteko eskatu zion, baina emakumeak ezetz erantzun zion.

Ondoren, gizona masturbatzen hasi zen, kondoia jarri zuen eta, ustez, emakumea bortxatu egin zuen.

Dokumentuaren arabera, aurreko egunean ere biktimaren logelan sartu zen, baina emakumeak sexu harremanik ez zuela mantendu nahi eta ohiu egingo zuela esan zion atxilotuari. Fiskaltzak eraso sexuala egotzi dio gizonari, eta 9 urteko kartzela zigorra eskatuko duela iragarri du. Espainiatik kanporatzea ere eskatuko du fiskalak. Horrez gain, biktimari 6.000 euro emateko eskatuko du.