Emakume bati sexu erasoa egiteagatik atxilotu dute, Bilbon

Poliziak adierazi duenez, gertakaria igandean, goizeko 07:00ak aldera izan zen. Patruila batek gizon gazte batek laguntza oihuka eskatzen zuen emakume batekin borroka egiten zuela ikusi zuen.

Polizia ikustean, erasotzailea ihes egiten saiatu zen, baina poliziak harrapatu eta atxilotu zuen.

Hogei urteko biktimak poliziei azaldu dienaren arabera, portalean sartzerakoan, erasotzaileak atzetik heldu zuen, "ukituak egin" zizkion eta oihukatu ez zezan, mehatxatu egin zuen.

Tratu txarrak jasan dituzten emakumeentzako arreta zerbitzua: 016