Gizartea -
TRAFIKOA
Sesmako bizilagun bat hil da, Andosillan izan den trafiko-istripuan
Beste pertsona bat larri zauritu da, eta Calahorrako Ospitalera eraman dute. NA-134 errepidean izan da ezbeharra, 14:44 inguruan.
AGENTZIAK | ERREDAKZIOA
Pertsona bat hil da eta beste bat larri zauritu, gaur arratsaldean, Andosillan (Nafarroa) izan den auto-istripuan. Bi autok aurrez aurre jo dute, NA-134 errepidean, 14:44 inguruan.
Sesmako 55 urteko gizon bat da hildakoa, eta larri zauritu dena, berriz, 39 urteko murtziarra. Azken hori izan da, lehen ikerketen arabera, istripua eragin duena.
Calahorrako Ospitalera eraman dute zauritutako gizonezkoa, eta Foruzaingoak alkohol eta droga probak egin dizkio bertan.
Foruzaingoak ikerketa zabaldu du, gertatutakoa argitzeko.
Hau zure interesekoa bada, baliteke beste gai hauek ere izatea
Trafiko Ezbeharrak gaur
Trafikoa
Nafarroako albisteak
Trafikoko web-kamerak Bilbon
Albisteak Gaur
Gaurko azken ordukoa
