Gizartea -
Emakumeen kontrako indarkeria
Zartaginkadaz arreba hil eta 112ra deitu du hilketa ezkutatzeko
Ustezko egileak larrialdietarako zenbakira deitu du arrebak etxeko atea irekitzen ez ziola eta kezkatuta zegoela esateko.
Erredakzioa
37 urteko gizonezko bat atxilotu dute gaur Llano de Brujasen (Murtzia), 47 urteko arreba hiltzea egotzita. Eztabaidan ari zirela, behin eta berriz buruan zartagin batekin jo dio, poliziaren bozeramaile baten arabera.
Atxilotua kasua ikertzen ari den Santomerako Guardia Zibilaren aurrera eraman dute. Ustezko egileak larrialdietarako zenbakira deitu du 00:55etan, arrebak etxeko atea irekitzen ez ziola eta kezkatuta zegoela esateko.
Udaltzainek etxebizitzara bertaratu dira, eta sartzerakoan emakumea hilda aurkitu dute lurrean botata, odol putzu baten ondoan eta buruan ebaki bat zuela. Larrialdietarako Anbulantzia Medikalizatuaren medikuak hilda zegoela egiaztatu du.
Dirudienez, bizilagunei esker bi anaiek eztabaida bat izan dutela jakin dutenean, eta etxeko indarkeriaren aztarna batzuk daudela ere ikusi ondoren, agenteek anaia atxilotu dute.
Tratu txarrak jasan dituzten emakumeentzako arreta zerbitzua: 016
