Haurtxo bat kiskalita aurkitu dute auto batean, Coruñan

Atzo iluntzean, Poliziak haurtxo bat kiskalita aurkitu zuen auto batean Betanzosen (Coruña). Aita handik kilometro batera atzeman zuten eta erredura larriak zituen.

Ikerketako iturriek Eferi aditzera eman diotenez, haurtxoaren aitak ustez eragin du sutea; izan ere, amak Guardia Zibilari jakinarazi zion senarrak euren semea hilko zuela mehatxu egin ziola.

Agenteak ordu eta erdiz bila aritu ziren eta, auto askorik ez dabilen errepide batean, sutan aurkitu zuten autoa. Gainera, aurreko aldeko eskuineko eserlekuan kanpineko gas-bonbona txiki bat zegoen.

Haurtxoaren aita Coruñako Unibertsitateko Ospitalera eraman zuten eta zaintzapean dago bertan.