Gizartea -
indarkeria matxista
47 urteko gizon bat atxilotu dute Gasteizen, bikotekideari erasotzeagatik
Lekuko batek deitu du Poliziara, eta agenteek atxilotuta eraman dute ustezko erasotzailea.
AGENTZIAK | ERREDAKZIOA
Gasteizko Udaltzaingoak 47 urteko gizonezko bat atxilotu du gaur goizaldean, kalean bikotekideari eraso izana egotzita.
01:00etan, lekuko batek Poliziara deitu du, ikusi egin baitu gizon bat emakume bat jotzen, Florida kalean.
Agenteak bertaratu dira, eta bikotearekin eta lekukoarekin hitz egin dute. Horren ostean, atxilotuta eraman dute gizona, eta gaur goizean epailearen esku utzi dute.
_________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.