Gizartea -
Gertakizuna
Adineko gizon bat hilik aurkitu dute Hondarribian
Gizonezkoa (80 urtekoa) atzo arratsaldeko lehen orduan atera zen etxetik, eta gaur goizean hilda topatu dute.
Erredakzioa
Atzo arratsaldean Hondarribian (Gipuzkoa) desagertu zen 80 urteko gizonezko bat hilotz topatu dute gaur goizean, herri horretako Jaizubia inguruan, hain zuzen ere.
DYAren eta Herrizaingo Sailaren iturriek azaldu dutenez, gizona arratsaldeko lehen orduan atera zen etxetik, baina 22:50ean, oraingoz ez zela itzuli ikustean, senide batek SOS Deiak larrialdi zerbitzua ohartarazi zuen. Berehala bilatze operazioa abiatu zuten Ertzaintzak, DYAk, Gurutze Gorriak, Udaltzaingoak, senideek eta herritarrek, eta batik bat Jaizubia ingurua hartu zuten oinarri.
Operazioa bertan behera utzi dute 03:30ean, baina gaur goizean berriz ekin diote. Azkenean, 10:05ean, hilik aurkitu dute DYAko boluntario batzuek.