Gizartea -
Gertaera
Sestaoko mendizale bat hil da Europako mendietan erorita
Guardia Zibilak jakinarazi duenez, gizona 50 eta 100 metro erori da, elur gogorrez estalitako aldapa batean behera.
Agentziak | Erredakzioa
62 urteko Sestaoko (Bizkaia) mendizale bate hil da, elur gogorrez betetako aldapa batean irrist egin eta erorita. Peña Castil mendi gailurretik metro gutxira gertatu da, Europako mendietako bihotzean.
Mendizaleak eskalada materiala zeraman, eta 50 eta 100 metrotik behera erori da, elur gogorrez eta izotzez estalitako aldapa batetik amilduta. 14:00etan gertatu da ezbeharra, 2.350 metrora, gailurrera iristeko 100 metro geratzen zitzaizkiola. Europako mendietako tontor ezagunenetako bat da.
Gijoneko Guardia Zibilak jaso du istripuaren abisua 14:20an. Ezbeharraren inguruan zebilen helikoptero bat bidali dute. Erreskate taldeak mendizalea hilda zegoela baieztatu baino ezin izan du egin. Jarraian, Arriondaseko ospitalera eraman dute gorpua, han autopsia egin ahal izateko.