Gizon bat atxilotu dute Gasteizen sexu-erasoa egotzita

Gizonezko bat atxilotu dute igande honetan Gasteizko erdialdean, sexu-erasoa leporatuta, Segurtasun Sailak jakitera eman duenez. Santa Barbara plazan emakumezko bati sexu-erasoa egin izana leporatu diote atxilotuari, Gasteizko Udalak ohar baten bidez azaldu duenez.

Emakumezko batek pairatutako sexu-erasoaren berri jaso du Udaltzaingoak igande honetako 07:17ak aldera, hornidura-azokatik gertu. Orduan ustezko erasotzailea aurkitzeko bilaketa-operatiboa martxan jarri dute, eta bi herritarrek eskainitako informazioari esker, 08:00ak aldera aurkitu dute, Done Jakue hiribideko zonaldean.

Atxilotua orain ertzain-etxean dago. Ertzaintzak ikerketa abiatu du jazoeraren nondik norakoak argitzeko.

------------------------------------------------------

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.