Gizartea -
Desagerpena
Barakaldon desagertutako 14 urteko neska bat bilatzen ari dira
Ertzaintza eta Barakaldoko Udaltzaingoa elkarlanean ari dira adingabea aurkitzeko.
E. L. | eitb.eus
Barakaldon (Bizkaia) desagertutako 14 urteko neska bat bilatzen ari dira, Ertzaintzako iturriek eitb.eus-i baieztatu diotenez.
Adingabearen senitartekoek salaketa aurkeztu zuten asteartean, azken orduan. Ertzaintza eta Barakaldoko Udaltzaingoa elkarlanean ari dira gaztea aurkitzeko.
VOST Euskadi Twitter sare sozialean jakitera eman duenez, galtza zuriak eta bota beltzak zeramatzan desagertu zen unean.
Senideak 'kedada' bat antolatu du ostegun honetarako, 18:00etan, Justizia Jauregiaren aurrean, gaztea bilatzeko.
Hau zure interesekoa bada, baliteke beste gai hauek ere izatea